Tag: Ugo Russo

A tavula sarvata nà Cresia Matrici di Caccamu (XVII Seculu)

Aggiografia

A citati di Termini Imeresi (PA) havi comu Patronu San Calojru ca stetti supra lu Munti Euracu; supra lu munti si vidi ancora oj a stampa du so pedi e na surgiva ca sgurgau pî so prijeri. Li tradizioni sunnu scarsi; pari ca fussi lu stissu Calojru di Fragalà, ca priricau u Vangelu a Termini contro lu Arianisimu di Vandali; no stemma du Cumuni si vidi San Calojru vistutu di monacu basilianu. Certi scrittura dicinu ca fu citatinu di Caccamu, la antica Azuni o Cabala cartaginisi, ma secunnu cu scrivi lu Καλογερоσ (Beddu vecchiu) di Termini Imeresi fu unu di tanti monaci basiliani vissuti na Sicilia du IV seculu ‘n poi e di identificari cu lu stessu Teotista. Chistu campò no munasteru basilianu di Santu Nicola du Voscu e favuri du Munti San Calojru, a tri migghia di Caccamu, unni fu abbati, abitatu ancora oj di cuntatini ca nni ficiru staddi pi l’armali; l’affreschi di stili bizantinu oramai sunnu illeggibbili. Puru li Bizzantini ricordanu u Santu Abati Teotista comu monacu italu-grecu. Fu scrittu no Calinnariu Palirmitanu no 1736. Fui cilibratu fino o 1975. Però oj si pò cilibrari na tutta a Sicilia. Sicunnu a tradizioni fu abati d’un munasteru basilianu, oggi scumparsu, a Cumia (frazioni di Missina) chi fu ‘ntitulatu ad iddu.

Riliqui

A tradizioni voli ca u Santu fu sippillutu a San Nicola du Voscu, unni muriu lu 4 di Jnnaru du 830.

Bibbliografia

O. Gaetani Vite di Santi Siciliani Cirilli Palermu, 1657

Quatru di Sant’Euplu nna Basilica Culleggiata
di Catania di Oliviu Sozzi (1750)

Aggiografia

Fu un Jacunu di Catania unni nasciu nò 275; u sò nomi è scrittu na tutti Martirologgi.
L’ Ortodossi lu ricordanu l’11 di Austu. Lu mpiraturi Diuclezzianu ‘nnall’annu 303 fici un Edittu pi sterminari li seguaci di Cristu; avianu essiri circati tutti chiddi ca eranu Cristiani, avianu a cunsignari li libri dâ fidi e si nun vulevanu essiri ammazzati avianu adorari li dei. Mentri a Catania c’era lu Proconsuli Calvisianu fu truvatu Euplu, un Jacunu, ca spiegava o populu u Vangelu. Subitu iddu dissi: “Sugnu cristianu e vogghiu moriri pi Gesù Cristu “. Doppo avillu ntirrugatu e vidennu ca nun vulia rinunciari a fidi di cristiani, lu fici mettiri ‘n carciri e u fici flaggillari. Lu 12 Austu du 304 ci fici tagghiari a testa ca spata no Foru Rumanu da Citati. Li Cristiani sippilleru Euplu cu l’aromi.

Lu Cultu

Accuminciò subitu a Catania unni i Cristiani javanu ‘n pilligrinaggiu a so priggiuni.
Doppu u VII Seculu a Roma e Napuli, unni ci foru didicati Cresie. U stissu a Missina, Taurmina, Mazzara du Vaddu e ‘nna Calabria. A Citati di Murriali avi ‘na Riliquia e u Santu fu pittatu ‘nè musaici du Duomu. ‘Nna Grecia ci ficiru un affrescu o Munti Athos e un musaicu a Dafni. Nò 1653 a Cresia di Trevicu cci detti ‘na Riliquia a Citati di Catania ca fu misa dintra un riliquiariu d’argentu; ‘nnò 1700 u viscuvu Sarvatori Vintimiglia fici mettiri ‘na statua di Sant’Euplu ‘nna facciata da Catidrali e scrissi l’Ufficiatura pa festa. U Santu fu puru cilibbratu a Palermu ‘nno 1800.

Li riliquii

Du 1040 sunnu custuditi dintra un’urna d’argentu na l’antica Catidrali di Trevicu (AV) unni è lu Patronu. E’ puru Compatronu di Catania, Patronu di Francavigghia di Sicilia (ME) e Motta Camastra (ME)

Bibbliografia

– Ottaviu CaetaniVite di Santi Siciliani Cirilli Palermu, 1657.
– M. Stiddadoru Euplu martiri Ed. San Paulu Roma, 2006

Na pocu di Scrittura antichi dissiru ca Cosma, Viscuvu africanu, nasciu a Palermu nò XIII seculu. Di quannu era nicu fu assai riliggiusu e fu ordinatu Jacunu. Assai istruitu ‘ne cosi di Diu e di l’homini fu fattu parrinu e cuminciò a fari beni, a pridicari e a fari sentiri u ciavuru di Cristu. A sò fama e duttrina aumintò tantu ca Ruggeru scrissi a Santa Sedi pi fallu fari viscuvu e purtari u Vangelu a tanti banni. Fu cunsacratu du Papa Eugeniu III e partiu pi l’Africa ‘na Citati di Afrodisiu, oj Mahdia nna costa tunisina tra Hammamet e Djerba.

Ddocu libbirò i Saracini da schiavitù e purtò assai homini a Fidi cristiana. Ci stetti deci anni. Ci sunnu dui tradizzioni. Una dici ca riturnò a Palermu unni muriu u 10 Settemmiri 1160; n’autra dici ca muriu comu martiri mentri dicìa a Missa. Fu sippillutu ‘nno suttirraniu da Cattidrali sutta ‘n’artari cu musaicu ca c’è ancora oj. I cristiani javanu a priari dda, specialmenti cu havia a frevi e addumavanu cira e lumini. Nò 1369 fu purtatu ‘nna Cattidrali e misu dintra un sarcofagu tardu romanu du II seculu, unni ci scrissiru:”’Nna sta sipultura c’è Cosma, vinirabbili Arciviscuvu africanu”. Nnò 1580 u misiru sutta l’artari da’Mmaculata. Nnò 1736 fu truvatu un pezzu du pasturali d’avoriu. L’annu doppu fu scrittu nnò Calinnariu da Cresia palermitana o 12 Settemmiri.

U Cultu

Ha statu sempri lucali. Ha statu cilibbratu du 1737 finu o 1975, quannu fu cancillatu
du Calinnariu palermitanu. Nò 1887 u Cardinali Michelancilu Celesia addumannò o Papa Liuni XIII di ricanusciri u cultu anticu e darici l’Ufficio e a Missa Proprii.
U Papa cunfirmò quantu ci dissi l’Arciviscuvu. Nò 1910 i Riliquii di Santi palermitani foru misi nta na nova Cappella. A lastra di marmuru du so sarcofagu è chidda du menzu da cappella; supra a idda è a caxia di lignu ca testa di Santu Mamilianu. E’ ricurdatu puru di l’Arcidiocesi di Cartaggini.

Bibbliografia

– Ottaviu Caetani, Vite di Santi Siciliani, Palermu pressu li Cirilli, 1657
– Antuninu Mongitore Palermu santificatu Bus, Palermu, 1708

Sant’Elia di Enna
(Enna versu lu 822-823 – Saluniccu 17 di austu dû 903) è nu Santu viniratu da Cresia Cattolica e Ortudossa.

Sant’Elia e Filaretu Icona du Monasteriu Ortodossu di Siminara (RC), 2005

Aggiografia

Sant’Elia nasciu a Enna da nobili famigha Rachitis. Fu chiamatu lu Novu pi distinguillu du granni prufeta. Quannu era ancora picciutteddu fu pigghiatu e vinnutu comu schiavu ‘n Tunisia; doppu ca fu libbiratu si fici monacu a Gerusalemmi pi manu du Patriarca. Visitò tutta la Palistina e lu Munti Sinai, unni stetti tri anni nò Monasteriu di Santa Catarina. Si nni ju poi a Alissandria, in Persia, a Antiochia e ‘n Africa. Turnau a Palermu pi rividiri a vecchia matri e poi a Taurmina unni s’accumpagnò cu Danieli, n’autru monacu. Fici na sosta a Sparta no Monasteriu di Santi Cosimu e Damianu e quindi na Grecia. Cà foru misi ‘n carciri. Libirati si nni eru a Corfù e poi ‘n Calabria na zona di Salini, vicinu a Siminara (RC). Passannu di Reggiu Elia prididissi a un parrinu ca avia addivintari Viscuvu e accussì fu. Si nni ju a Roma pi visitari i sapurchi di Santi Petru e Paulu. La so pridicazini e li so miraculi arrivaru e aricchi du Mpiraturi Liuni VI dittu lu Filosufu, ca lu mmitau a Custantinopuli. Ma arrivatu a Saluniccu muriu lu 17 di austu dû 904.

Li Riliquii

Lu corpu fu purtatu du discipulu Danieli e Salini, vicinu Siminara, unni fu sippillutu na Chiesia du Monasteru ca dui seculi dopu fu chiamatu di Santi Elia e Filaretu. Dà ebbi cultu pubblicu finu a fini du seculu XVIII, quannu lu Monasteru fu abbattutu. Na Riliquia si trova a Siminara (RC), unni c’era un Monasteru grecu ‘ntitulatu a iddu e a Testa na Cresia Culligiata di Siminara, unni no 2005 fu costruita na Cresia Ortodossa ‘ntitulata e Santi Elia e Filaretu. Ci stannu monache Ortodosse.

Bibbliografia

Giuseppi Rossi Taibbi, Vita di sant’Elia u Juvini Ist. Sicilianu Studi bizzantini e neoellenici, Palermu, 1962.

Icona bizzantina di San Cremeti

Francavigghia di Sicilia, 6 di austu 1116 o secunnu àutri mortu ntô 1099) è nu Santu viniratu da Cresia Cattolica e Ortudossa.

Aggiografia

Ebbi nomu Clementi, comu si leggi nò Diploma di funnazzioni du Munasteriu di San Sarvaturi dittu di Placa du 1092. Era un rimitu di l’Ordini Basilianu, e abbitava dintra na grutta, supra na roccia vicinu na Cresia, nà zona ditta Placa vicinu a Francavigghia. Oj si vidi sta roccia na cuntrada Badiazza, vicinu lu biviu Nucara – Moju. Ntô misi di dicemmiri dû 1092 lu Cunti Ruggeru d’Autavilla passau cu l’esercitu di Truina a Taurmina e ncuntrò lu rimitu Clementi, ca ci dunau nà pocu di sirvaggina viva, ca addivintò mansa. Lu Cunti ci dissi: “Sta cuntrata sarà du Munasteriu ca tu funnirai pâ gloria di Diu “. Ci detti na pocu di terri, comu lu Feudu di Placa, un territoriu versu Taurmina e Ciumifriddu e li decimi di Castigghiuni. Clementi fu chiamatu Cremeti o Climi, pi ricurdari lu vecchiu nomu e fu eliggiutu Abbati. Pari ca li monaci, ‘mmidiusi e stanchi dî custuma siveri di l’abbati ficiru di tuttu pi gghittallu dâ muntagna ma nun lu pottiru ammazzari e foru pirdunati. Muriu lu 6 di austu du 1166 e fu sippillutu ê pedi di l’artaru da Cresia du Sarvaturi, dunni sgurgàu na surgenti d’acqua purissima, ca sirvìu e malati pa frevi quartana. Ntô 1131 lu Munasteriu fu aggregatu a chiddu dû Salvaturi di Missina e doppu tri anni fu autonomu. Appi setti monaci ntô 1336, ca ntô 1693 pû tirrimotu si nni jeru a Francavigghia e Castigghiuni e ntô 1770 a Rannazzu. La festa si celebbra lu 6 di austu. Finu a mità dû 1800 la sò festa fu cilibbrata a Francavigghia, ca intitulò o Santu nà strata ntô 1991.

Li Riliquii

La Riliquia da testa, dintra nu riliquiariu d’argentu du 1656 câ scritta “Testa di San Cremeti, Abbati e Cunfessuri “ è sarbata ntâ Cresia dû Cullegiu Salisianu di San Basiliu a Rannazzu, ntitulata o SS. Sarvaturi di Placa e si esponi lu 6 di austu.

Bibbliografia

Ottaviu Caetani, Vite di Santi Siciliani, Palermu pressu li Cirilli, 1657